Cria de pillara papuda no Val

Macho (arriba) e femia de pillaras papudas en Arealoura e Ladeira de este inverno

Por fin confirmouse a cría de pillara papuda Charadrius alexandrinus no Val, a pasada semana Fernando Lahuerta (felicidades dende aquí) viu un adulto con dous pitiños pequenos nunha das escasas dunas que quedan no Val Miñor, xa facia moitos anos que andaba detras de poder confirmar esta cría e por fin chegou, esperemos que sexa para quedarse moitos anos.

Por outra parte constatar o incremento de escribentas reais Emberiza cirlus que hai poucos anos era case imposible ollar no Val Miñor, este ano atopei a especie na peninsula do Boi e Baredo en Baiona, e Mañufe en Gondomar.

Emberiza cirlus en Gondomar

Especie nova para o Val Miñor

Seguindo coa pequena invasión dos trigueiróns Miliaria calandrana na Galiza e despois de buscalos en diferentes locais adecuados do Val coma Prado, Varedo ou Couso, conseguín atopar dous machos cantores o carón da casa, en Mañufe, Gondomar. É a primeira cita desta especie no Val Miñor e con moitas probabilidades de que esté a criar, seguirei atentamente a evolución destes dous machos cantores

Onte pasei por Verín e puiden parar unha horiña pola "raia", con ledicia comprobei que xa andan pola zona as papuxas carrasqueñas Sylvia cantillans con varios machos a pleno pulmón, alomenos dous cucos reais Clamator glandarius, un par de miñatos queimados Milvus migrans así como as primeiras bubelas, cucos, aguia cobreira.....pena de autoestrada que vai destrozar a zona e darlle a "puntilla" medioambiental....que paissssss

Primavera a tope no xardín, como tiven k quedar na casa todo o día, estiben mirando as especes que andan a criar a menos de 50 metros da casa, saiu una lista ben xeitosa, poñovos algunhas fotos no todas de hoxe...

Os ferreiriños Parus caeruleus está a criar no xardín por quinto ano consecutivo

Xa chearon as anduriñas dauricas Hirundo daurica, hoxe varias a voar por riba da casa

As carrizas Troglodites troglodites a tope no xardín

O macho de chasca Saxicola torquata do mais engalanado

O humilde azulenta Prunella modularis sempre agochada, non gosta dos aspaventos doutros veciños

Pequenos bandos de bicos de coral Estrilda astrild mesmo na porta da casa

Unha carriza dos xuncos Cisticola juncidis esta a construir o niño no campo do lado da casa

Este ano o Rabirrubio Phoenicurus ochuros trocou a nosa casa pola do veciño para criar....sorte

O verderon Carduelis chloris canta a miudo no xardín.

Escoitase o martilleante canto do pinpin Fringilla coelebs perto da casa toda a mañán

Sen dubida e o rei do xardín o cardeal Pyrrhula pyrrhula

Este non hai forma de que cale nin un minuto Serinus serinus

Fermoso canto o da papuxa das amoras Sylvia atricapilla

O estorniño negro Sturnus unicolor hai xa moitos anos que cría vaixo as tellas do veciño

O preferido do xardín e o case amigo "pisquiño" Erithacus rubecula

As anduriñas Hirundo rustica non paran nin un minuto de carrexar barro para os niños

Ferreiriño real Parus major que sabe da comida facíl do comedeiro

A Primavera chegou antes de tempo como de costume nos últimos anos, outro ano que non cheirarei a fruta da casa, pois o frio vento e saraiba esta garantida nas vindeiras semans.

Ornitoloxicamente mais brancas, unha glaucoides adulta en Silleiro o día 18 de febreiro, outra adulta onte 20 de marzo en San adrian de Cobres e unha hyperborea de 2º verán tamén perto da ponte de Rande que segundo me pareceu e Jose Ramón opina o mesmo podería ser a vista en xaneiro en Oia e Nigrán que leva tempo as voltas na parte interior da ría de Vigo.

Pouco mais, xa que teño sido moi pouco a ver paxaros, o millor foi un Abetouro Botaurus stellaris no esteiro do Miño, na saida do Tamuxe.

A primeira anduriña Hirundo rustica no niño do val vina o 5 de marzo en Mañufe, Gondomar se ven xa o 1 de xaneiro Iñigo Hernandez viu unha parella voando na Ladeira e o mesmo día eu vin duas Anduriñas de cú branco Delichon urbica en Arealuora

penosa foto da adulta de Larus glaucoides de S. Adrián feita co movil e prismaticos.

Parece que xa volveu a calma despois das tempestades...sae o sol un día e parece que non pasou nada, primavera a tope.

O mais destacable do temporal en números foi a arribada de gaivotas tridactilas Rissa tridactyla e gaivotas polares e hyperboreas Larus glaucoides e Larus hyperboreus, con certeza a maior arribada da que se ten constancia destas duas especies.

Os poucos días de ver a hiperborea de Oia, apareceu outra en Baiona que e probable fose a mesma, e poucos días despois Adolfo Lomeña descubriu un adulto na praia de Patos o que supón a 1ª cita de hiperboea adulta para o Val Miñor.

Duas fotos preciosas (Adolfo Lomeña) do adulto de hiperborea descuberta por el mesmo na praia de Patos. foto da hiperborea de Nigrán, feita ca cutre tecnica do "movilscoping" no Porto de Panxón
O número de tritactilas algúns días foi de varios centos entre a costa de Baiona e Silleiro, un expectaculo, xunto algunha gaivota pequena Larus minutus, moi rara por estes lares.

Hoxe ainda quedaba unha tridactila na praia de arealoura, se ven actualmente e mais doado atopalas como esta de arriba, aveirada tras tantos dias de temporal, só na praia de Patos apareceron mais dunha ducia e en total nas praias do val o numero de aves mortas rondou os 50 exemplares.

Imaxes como estas ( de Tito Salvadores ) teñen un gran valor documental xa que ver tridactilas no interior da marisma e algo moi inusual.

Esta preciosa cepa de nepa anatifera chegou a praia tamén arrastrada polo temporal, estes percebes non se comen pero a cambio son ben fermosos.

E aquí temos a xoia da corona, este impresionante exemplar de Larus glaucoides kumlienii e a primeira cita da Peninsula Iberica, case nada...descuberta na Ladeira por J.A. Gandara e M. Alonso, fotos de Gandara. o bicho parece que tiña presa e 5 minutos mais tarde cando chegei pra miralo...mirei pero non o vin :-( e o que hai. Que este bicho chegara dende Alaska e case incrible, dende aquí os meus parabens a Gandara e Manolo por esta expectacular observación.

E para rematar Gandara que anda en racha descubre unha parella de escrebentas pequenas Emberiza pusilla no esteiro do Miño, as poucas citas que hai na peninsula son case sempre referidas a bichos trampeados en redes xaponesas para o seu anelamento, polo que esta observación da que si puiden disfrutar o día seguinte ten dobre valor, una bonita e rara especie neste inverno que nos ten deparado tanto disfrute..será a última nova explosiva?

As fotos de Adolfo Lomeña que chegou a ver 3 aves, dous machos e 1 femia son sinxelamente unha delicia que non me canso de ver e voltar aver, noraboa os dous.

No parque de Castrelos en Vigo temos xa criando as cotorras de Kramer Psittacula krameri, aquí podedes ver unhas fermosas fotos de Tito Salvadores que tenas controladas dende primeiros de ano, son 4 exemplares, dous deles esta parella que parece está a criar no oco desta árbore. sería a primeira confirmación 100% para Galiza, ademais parece o habitat ideal para que proliferen, unha invasora mais con consecuencias impredecibles.

Hoxe continuou o temporal, con algo menos de forza pero que ainda metía medo na costa de Oia, nun recorrido entre Baiona e A Guarda o mais interesante foi un 1º inverno de gaivota pequena, Larus minutus en Arealoura ( hoxe mesmo Iñigo viu 4 na Ladeira) e varias ducias de gaivotas tridactilas Rissa tridactyla dentro da ría ( todas adultas ), na praia de Arealoura tamén un fulmar Fulmarus glacialis aveirado que descubriron Tito e Rafa Salvadores antesdonte.

Na prai da Concheira as tridactilas eran ducias e vin a única de 1º inverno de toda a xornada. En Mougas eran xa centos de tridactilas que se sumaron a outros varios centos na boca do Miño, en A Guarda, todas adultas.

En Oia "descubrín" un gaivoton hiperboreo Larus hyperboreus despois souben que xa o descubrira onte Xulio Valeiras, precioso bicho.

No esteiro do Miño o único salientable foi un ganso do Nilo Alopochen aegiptiacus, sen anelas pero sempre sospeitoso de fuxir de cativerio

fulmar boreal aveirado en Arealoura
gaivota tridactila adulta na costa de Baiona


Larus hyperboreus de segundo inverno no porto de Oia

ganso de Nilo presente no esteiro do Miño

O temporal está a deixar unha cantidade incrible de gaivotas tridactilas na costa, o mais curioso e que mais de cen aves vistaas e todas eran adultas, non creo que sexa o normal nin moito menos, non sei se pasou o mesmo polo norte?

na marismaestes días un par de patos moi escasos por aquí, un porrón común Aythya ferina e un pato frisado Anas strepera. no regato de arealoura hai xa unha semana que non vexo a delaware de 2º inverno, a última e desexo que non derradeira vez que a vin estaba moi desaliñada e con mal aspecto ( tedes unha foto no anterior post. Hoxe pola contra duas canas Larus canus de 1º inverno e varias ducias de gaivotas tridactilas Rissa tridactila, de momento o temporal non deixou nada mais, averá que seguir buscando.

adulto de gaivota tridactila na praia de Arealoura.

gaivota cana de 1º inverno

comparativa con unha gaivota chorona Larus ridibundus

unha autentica rareza no Val, un porrón común Aythya ferina na marisma da Ramallosa

Outra especie moi escasa no Val, un macho de pato frisado

unha lectura de hoxe, e un exemplar das illas Cies

Hoxe collín uns días ate fin de ano que espero poida adicar a ver paxaros, xa tocaba...
Onte no regato de Arealoura unha cana de 1º inverno, a Delaware e unha garzota, nn hai mais que levarse o ollo de momento, aver estes días que sae.....

A delaware despois dun refrescante baño pra quitar estes calores que nos toca sufrir estes días

Que preciosidade de bicho, non me canso de miralas
Primeira cana deste inverno, parece un peluche

O certo e que non teño tempo para ver paxaros, pero cando saco un par de horiñas "todo sigue igual" estes días pasei por Arealoura onde continua a delaware, na marisma unha femia de pato rabudo e un macho de asubiador, pouco mais..
O mais destacable dos últimos días foi un bando de 163 corvos cereixeiros Corvus monedula en Xinzo de Limia, Ourense

Xuvenil/1º inverno de gaivota cabecinegra

Unha das gaivotas aneladas 063M

Femia de Anas acuta

A delaware continua en Arealoura

Unha das nosas ZA1S

Ultimamente as saidas ornitoloxicas son mais ben escasas, ainda así as veces que vou dar unha volta atopome con que a cousa está morta ou moribunda cando menos. O mais destacado destes días e unha parella de Andurinha daurica Hirundo daurica que ainda anda as voltas nunha ponte da autoestrada a día de hoxe. Tamén un fonducho Tachybaptus ruficollis na ponte da Xunqueira e comentar que en setembro vira unha pica campestre na serra da Grova, que supón a primeira cita da especie no Val Miñor. En fin pouca cousa pero e que non hay nada mais que contar....

Novas de setembro

Este mes de setembro comezou moi forte cun pilro peitoral Calidris melanotos na marisma da Ramallosa e unha folosa acuatica Acrocephalus paludicola descubertas polo colega asturiano Quique Carballal, é a primeira cita desta limicola para o Val Miñor, polo que contamos cunha especie mais e xa van unhas poucas, mais de 240. O día 2 o amigo Albert Burgas de Cataluña el, ollou unha Garzota grande Egretta alba tamén na marisma, unha das poucas observacións desta especie no Val.

A pasada semana apareceron dous cullereiros Platalea leucorodia, unha delas un adulto anelado, do que Miguel Lorenzo amablemente me pasou o seu historial, e un cullereiro que xa ten 11 anos e acostuma pasa-lo inverno no esteiro do Tejo en Lisboa.

Hoxe seguía a gaivota de delaware en Arealoura e na marisma outros tres cullereiros xuvenis a última hora, a ver se o outono ven algo mais animado.....

Este mes de agosto fixemos un par de saidas pelaxicas no Arneiron de Toupa, o certo é que foron as peores dende que facemos saidas en barco, o día 8 saimos 15 millas o oeste das Cies e só apareceron un par de palleiras parasitas Stercorarius parasitius e un gaivina negra Chlidonias niger, un día desastroso.

Hoxe voltamos a intentalo, a cousa prometía, a cinco millas de Cies primeiras Sabinis Larus sabini e unha palleira rabilonga Stercorarius longicaudus adulto. Na parada as 15 millas, unha ducia de palleiras parasitas, 3 palleiras grandes Catharacta skua, 2 gaivinas negras Chlidonias niger, 40-50 Sabinis Larus sabini todas adultas, unha pardela escura Puffinus griseus e pouco mais, nin rastro de paiños e nin que decir que os Pterodroma nin cheiralos.

Continua o veraneo da Delaware

Comeza o paso postnupcial tamén polo Val miñor, os primeiros tres pentumeiros na praia Ladeira, ademais de tres pilros comúns adultos em plumaxe de verán. Na marisma 14 mazaricos chiadores e 2 biluricos patirrubios, ainda así o mais destacado continua a ser a longa estancia da delaware de Arealoura que hoxe día 1 de agosto continua no regato.

Larus delawarensis que leva na zona dende febreiro deste ano

Non son moitas as novidades no Val, sen dubida a mais destacable e que continua o 1º veran de Larus delawarensis no regato de arealoura, de continuar sería o segundo caso de "veraneo" dunha delaware en Galiza despois dun 1º inverno no Lagares (Vigo) no 2005 que estivo dende febreiro até novembro.

para animar un pouco o blog poño unhas fotos da saida ornitofesteira anual a Rubía na serra da Enciña da Lastra (Ourense) a finais de xuño.

Charaxes jasius, a meirande volvoreta de Galicia, sempre ligada os érvedos (foto Tito Salvadores)

Nesta foto apreciase o envés perfectamente, un dos mais fermosos. (foto Tito Salvadores)

Non é nada doado fotografar esta volvoreta que non para nin un segundo parada no ar, tratase dunha Macroglossum stellatarum, común en toda Galiza e moitas veces confundida cun "colibrí"

A volta pasamos por Verín onde atopamos de novo os críalos, cerca de Feces. (foto Tito Salvadores)

Esta fermosa cobreira Circaetus gallicus estivo a piques que morrer a causa dun disparo dende unha casa cercana cando saiu voando, puxemolo en coñecemento do seprona, espero que non se lle ocorrera voltar pola zona.

Macho e femia de cruzabicos Loxia curvirostra

E sorpresa da semana no Val foi un cruzabico Loxia curvirostra no alto de Puxeiros o martes día 24, tratabase unha femia ou xuvenil e supón unha das escasas citas da especie no entorno do Val Miñor. Xa pola tarde acerqueime o alto de Fontefría ( A Caniza) onde puiden ver e escoitar un par de ducias de cruzabicos e algún xuvenis volantóns, un ano mais continuan a criar nesta pequena plantación de "pinabetes" como lle chaman alí os Pinus silvestris.

Onte e antonte estiven de visita polo Val do Tamega (Verín), o mais destacable foi comprobar que os cucos reais Clamator glandarius criaron con exito na zona de Feces, 4 xuvenis voandeiros reclamando comida as "pegas" Pica pica que como sabedes son os seus pais adoptivos. A outra cita destacable foi o descubrimento dun pequeno durmidoiro de lagarteiro cincento Elanus caeruleus en Verín con "12" exemplares.....xa temos mais que aguias reais.

Outro dato interesante foi comprobar a cria de tres especies de picanzos en menos de 500 metros, unha parella de picanzo meridional Lanius meridionalis, unha de picanzo cabecirrubio Lanius senator e unha de picanzo vermello Lanius collurio o que fai este lugar único na Galiza.

Os polos das cegoñas están xa a "punto de caramelo"

Un moucho a pleno sol e trintaetantos graos, estes de Verín......

Xoven de Lagarteiro cincento con duas novas "amigas" moi xogetonas con el.

A ducia de lagarteiros cincentos no durmidoiro, tedes que creerme que son Elanus a foto pode ser de botes de cocacola certamente

Xoven de cuco real Clamator glandarius

Outro dos xoves de cuco real Clamator glandarius

Poucas novas no Val, continua a Delaware, a ver se consigo unha foto estes días que xa mudou e esta irrecoñecible. Por outra banda no regato que teño o carón da casa está a criar este ano por vez primeira o ruiseñor bravo Cettia cetti o que supón a primeira cria confirmada para o Val Miñor.

Hoxe o pasar pola enseada de Vilaboa, mais concretamente na salina, atopeime con esta parella de cisnes mudos Cygnus olor criando, o certo e que non se pode decir que sexa unha boa nova, non deixa de ser unha especie introducida.

Algún día terase que por cartas o asunto co tema das aves/plantas/insectos/mamifero ...aloctonos antes de que sexan mais que os propios.

Hai xa uns anos descubrín por casualidade a zona do Val do Tamega, digo "descubrín" para min , evidentemente, xa que estaba descuberta dende había algúns anos :-) mesmo ornitoloxicamente xa era coñecida por uns poucos. Esta zona e unha especie de illa no noso pais, as veces costa crer que sexa parte da Galiza. Hai anos era unha odisea ir ver paxaros alí, estradas con tráfico interminable que cando chegabas pasabas o resto do día pensando na infernal volta, despois chegou a autoestrada, apesare do cal continuou a indiferenza pola zona xa que trinta quilómetros antes estaba A Limia, a expléndida Limia con tanto por descubrir para nos, Limia que cada vez esta mais enferma e destrozada (daría un brazo por poder paxarear unhas xornadas na lagoa de Antela no seu esplendor fai non tantos anos ben pensado). O caso e que un inverno de fai uns 10 anos cunha pequena invasión de Pimpíns do norte Fringilla montifringilla pensei que se na Limia se vían naquel momento mais dun cento de aves en Verín tiña por forza que ser mais numeroso. O certo e que non foi así en Verín so localicei uns cantos pimpíns do norte, pouca cousa, pero nesa mesma tarde xa apreciei unha cantidade de frinxilidos nos campos fora do normal, ademais dun bando duns 30-40 escribentas amarelas Emberiza citrinella, foi o primeiro contacto ornitolóxico coa zona, a seguinte primavera tiven que visitala de novo por causa do meu traballo, esa primavera foi algo extraordinario, atopei algunhas zonas de non moita extensión e de aparencia desértica e algo desolada zonas de viñedos con moi pouca vexetación e moi degradadas pero cunha riqueza avifaunística fora do común.Nesa primavera e nesta zona do Val do Tamega atopei as miñas primeiras observacións para Galiza de moitas aves; picanzo cabecirrubio Lanius senator, picafollas de Bonelli Phylloscopus bonelli, rabirrubio de testa branca Phoenicurus phoenicurus, escribenta hortelá Emberiza hortulana, ou voitre negro Aegypius monachus entre outras. Esta semana estiven como nos últimos anos un par de días pola zona traballando e cando tiña un par de horas paxareando, o pouco tempo de andar pola zona atopeime cunha parella de lagarteiro cincento Elanus caeruleus cun xuvenil.

Un dos xuvenis de lagarteiro cincento

Supuxen que era o mesmo que vira Damian and company semanas antes e chameino, efectivamente eran os "seus" lagarteiros cincentos co seu xuvenil, fixen un par de vídeos e unhas fotiños e seguín co paseo, o caso e que xa de volta a noitiña atopeime de novo cos lagarteiros cincentos, pero "sorpresa" eran catro aves e duas parecían claramente xuvenis a pesares da pouca luz "mañán teremos que vir de novo comprovalo" pensei.

Adulto a procura das abundantisimas trilladeiras Microurus sp.

O día seguinte coma un cravo a primeira hora da mañá aparecín pola zona pero a sorpresa e que non eran dous xuvenís senón TRES e os dous adultos separados. Un dos xuvenís case non voaba e de feito foi o chan nunha pasada baixa o favor do vento, non collía as presas no aire como os seus irmáns e o pai/nai tiña que deixarllo no chan para que este o collera e a duras penas o levase o alto dunha arbore para comelo. O feito de que o día anterior non estivese cos pais a última hora da tarde e mais a sua torpeza fan que sexa seguro que aínda estaba no niño o día antes e parece claro que esta parella criou na Galiza polo que se podería dar como a primeira cita de cría confirmada con éxito despois do intento do ano pasado na Limia (como comenta Epi no seu blog) onde chegaron a por ovos pero abandonaron a posta.

Os tres xuvenis xuntos.

Poñovos un pequeno vídeo dun dos xuvenís papando unha trilladeira, a abundancia esta primavera fai que non pasaran mais de vinte minutos entre presa e presa, era un ir e vir constante dos pais.

Aínda que é unha nova importante, sen dúbida, gustaríame dicir que o paseo polo Val foi tan frutífero que non me resisto a por algunhas fotos e comentarios do que pode dar como resultado un simple paseo a pé por algún dos camiños desta terra.

Despois de ollar todo o que tiña que ollar dos lagarteiros cincentos fun dar un paseo por unha desas ladeiras "degradadas" con pouco mais que erva e algúns arbustos mediterráneos pero que so saír do coche deléitante cos sons dun pequeno bando de abellarucos Merops apiaster.

continúas camiñando e a un lado unha parella de picanzos rubios Lanius senator ollándome algo desconfiados pero sen facerme moito caso, mentres continuo escoito o canto dun macho de papuxa carrasqueira Sylvia cantillans escasa este ano na zona posiblemente a causa da abundante chuvia desta primavera que as especies mais pequenas ten que traelas afogadiñas as pobres.

O pouco un pequeno escándalo entre as pegas Pica pica faime dirixir a mirada a un cuco real Clamator glandarius adulto que cruzaba voando a zona por diante de min para pousar bastante lonxe de alí e perto dun cuco cuculus canorus ollando por primeira vez as duas especies xuntas.

cuco real adulto

Un pardal das rochas Petronia petronia nun muro, unha perdiz Alectoris rufa no camiño mentres escoitas varios paspallás Coturnix coturnix o lonxe, as poupas Upupa epops van e veñen voando con ceba no peteiro, unha cotovia cristada Galerida cristata atravesa a pista correndo, cando de repente un rousinol Luscinia megarhynchos sae da espesura para porse a cantar diante miña con descaro e competindo pulmón a pulmón cun dos abundantísimos trigueiróns Miliaria calandra que aguanta sen inmutarse a menos de 3 metros de min o pasar .....Verín en estado puro.

Unha das abundantes perdices sempre perto dos camiños de terra

Trigueirón a tope de revolucións

Durante o paseo sobrevoan varias rapiñas, é incrible a cantidade de especies que se poden ver nun percorrido de 2 km en tan só duas horas; aguia calzada Hieraaetus pennatus, miñato abelleiro Pernis apivorus, Millafre negro Milvus migrans, aguia cobreira Circaetus gallicus, gatafornela Circus cyaenus, tartaraña cincenta Circus pygargus, gavian Accipiter nisus, miñato Buteo buteo, tartaraña das xunqueiras Circus aeroginosus (femia), lagarteiro Falco tinnunculus, e un falcón pequeno Falco subbuteo case nada que digamos, faltou o patirrubio pra montar a festa completa.

Aguia cobreira

Unha preciosa fase escura de miñato abelleiro

Tartaraña cincenta

Despois do paseiño do mais ameno, achegeime a ladeira das escribentas hortelas Emberiza hortulana, onde atopei 7 machos defendendo territorio e para rematar ben a xornada un peto formigueiro Jynx torquilla e unha femia de merlo rubio Monticola saxatilis nos postes da luz mentres se escoitaban os abondosos ouriolos Orious oriolus. A volta a noitiña un par de mouchos Athene noctua nun lugar onde soen andar nos últimos anos.

Un par de fotos de escribenta hortelá

Antes de marchar desde paraiso das aves mediterraneas achegueime a zona dos petos pequenos Dendrocopos minor por ver se continuaban na zona, non fixo falta nin baixar do coche alí estaban tamborileando e gritando como se os fosen acuchillar nese preciso momento.

peto pequeno

En fin...non sei se queda claro que me gusta con locura este lugar??

Este martes pola tardiña entre chubasco e chubasco parei 15 minutiños no alto de Fontefría ( A Caniza) a procura dos cruzabicos Loxia curvirostra e tentar comprobar se este ano continuaban a criar no local. Os dous minutos de parar xa escoitei as primeiras aves, en total cheguei a ver 3 machos separados e unha femia, como só estiven 15 minutos non cheguei a comprobar a cría pero sabendo que continuan na zona voltarei a pasar este mes de xuño para tentar confirmala un ano mais.

femia de cruzabico

Hoxe venres 29 de maio continua a gaivota de Delaware no regato de Arealoura, ten pinta de pasalo verán conmigo na praia

A única novidade dos últimos días e que continua a día de hoxe a Larus delawarensis de 1º verán que leva xa uns meses con nos no regato do rio Muiños, na praia de Arealoura.

Acabo de chegar dunha viaxe fugaz o Sur da Peninsula en concreto o parque nacional de Doñana e os seus arredores na procura da cerceta parda Marmaronetta angustirostris que "era" unha das catro especie que crían na peninsula e ainda non conseguira ver....xa so quedan tres. Poñovos algunhas fotos que evidentemente non teñen que ver co Val Miñor pero que merecen a pena...que diferente e aquilo por favor...que abundancia, canto territorio ben conservado, o mesmiño que na Galiza..........

Preciosa perdiz de mar Glareola pratincola que chega a ser moi abundante nalgunhas zonas

Mazarico negro Plegadis falcinellus no niño

Flamingos, cullereiros e pernalongas os centos en calquera charquiña

Adulto de cullereiro en plumaxe nupcial

Un pequeno collage de cirrios pequenos nunha pequena colonia de cria en Cadiz

Rousinol do mato Cercotrichas galactotes unha especie nada doada de ver
O oscuro obxeto do desexo desta viaxe Marmorenetta angustirostris
Ducias de gaivotas picofinas Larus genei como nunca antes as vira

En calquera regato aprecian ardeidas como esta garzota grande Egretta alba

Uns descubren Tringa flavipes, Emberiza pusilla, etc e outros miramos como crian os ferreiriños no xardín. Que mal repartido esta este mundo, parabens polas tuas observacións desta primavera Pablo, eres un crack.
Para mostra unhas fotos de hoxe entre que pasamos o cortacespede e trasplantamos unhas plantiñas.

Macho de cardeal Phyrrula pyrrhula que se deixa ver case todolos días polo xardín

Un par de fotiños dos ferreiriños que continuan a sacar os pitiños carrexando vermes todo o día.Na foto superior podese ver o niño artificial no que están a criar por cuarto ano consecutivo.....os mesmos????

Hoxe na saida do regato Muiños en Arealoura unha nova gaivota de delaware Larus delawarensis de primeiro verán polo que son duass de 1º verán e unha de segundo verán as delaware que andan na zona, ademais 5 preciosos carráns comúns Sterna hirundo en plumaxe de verán na beira da praia.

Penosa foto feita co movil a nova delaware de Arealoura

No esteiro do Miño duas parellas de pernalonga Himantopus himantopus, unha parella adulta de tartarañas das xunqueiras Circus aeroguinosus ( o macho cunha pumaxe expaectacular voando a escasos metros), un carrán común e unha aguia peixeira Pandion haliaetus. A observación da parella de tartarañas e moi interesante xa que o esteiro e o único lugar de Galiza onde a especie cría con regularidade nos últimos anos, esperemos que este ano repitan.

Pernalonga

Hoxe continuaba a delaware de 1º verán, poño unha foto para ver a evolución da plumaxe.

Imaxes da desfeita

pra que vexades a barbaridade que se está a facer en Nigrán, coloreado o poligono novo, como vedes e unha calcamonia do bosque de ribeira.

debaixo, unha comparativa do tamaño do poligono (en branco) e a marisma da Ramallosa (verde). Penso que non hai moito que decir.

Se facedes "clic" nas imaxes podedes velas ampliadas.

Onte voltei polo poligono de Nigrán por se tiña sorte co abellaruco...vai ser que non. Vin os primeiros cirrios e as primeiras rolas do ano.

Hoxe en Arealoura a gaivota de delaware de 1º verán que continua. A parella de pillaras pequenas Charadrius dibius no mesmo territorio con actitude de defensa do mesmo, esta parella está tentando criar, a ver que tal lle vai. No mesmo poligono duas parellas de anduriñas dauricas Hirundo daurica, unha anduriña das barreiras Riparia riparia e até 5 rolas Streptopelia turtur.

Primeirass rolas que estarán alucinadas o ver en que se convertiu o seu bosque de ribeira

Aves novas para o Val

O primeiro e agradecer a Begoña o envío dunha observación moi interesante de onte en Nigrán, nada menos que un abellaruco Merops apiaster, especie nunca antes citada no Val e que coincide cunha pequena entrada de aves en Galicia estes días, concretamente foron vistas aves en Verín (onde hai unha pequena colonia de cría) e tamén un ave en Valdoviño (Ricardo Hevia). Hoxe entre chuvasco e chuvasco acerqueime a zona do avistamento, o novo parque industrial de Nigrán, non puiden ver o abellaruco pero como xa sospeitaba durante todo este inverno, despois da tremenda desfeita do bosque de ribeira de Parada (que podedes ver nas fotos) para facer un puto parque industrial, a zona está "perfecta" para unha especie; A pillara pequena Charadrius dubius, non me costou moito tempo atopar a primeira parella (especie nova para o Val, duas en dous días¡¡¡¡¡) xa con territorio, é posible que críen varias parellas este ano no lugar se ben e algo pasaxeiro xa que a instalación de empresas nos vindeiros anos expulsará os novos inquilinos.

Pillara pequena agochada na erva

Un par de fotos parciais da desfeita, non poño unha xeral que é moi forte... e se poño unha de antes e pra chorar xa

Un pequeno video do meu veciño, onte a tarde

Pouco tempo para paxaros esta semana, hoxe continuaba a Delaware de 1º inverno en Arealoura, un par de gaivotas patiamarelas con todos os rasgos estructurais de Larus michahellis michahellis do mediterraneo, unha de 1º verán e unha de segundo, impresionante o tamaño respeito das "nosas" a estructura da cabeza e pico é tamén moi típico de "gaivotón". Na marisma 14 biluricos claros Tringa nebularia e un par de ducias de mazaricos chiadores Numenius phaeopus xunto un solitario mazarico rubio Limosa lapponica.

No xardín por cuarto ano consecutivo están a aniñar os ferreiriños azuis Parus caeruleus, e un prazer ver o frenético ir e vir de tódolos habitantes do xardín, cantando, levando material os niños e mesmo algúns xa con cebas . O pasado luns xa vin os primeiros pitiños de lavanco Anas platyrhynchos na ponte da Xunqueira (Gondomar).

Macho de Ferreiriño azul a cantar na pereira onde teño colgado o niño artificial

hoxe, o pasar polo alto do Xestoso (Silleda) puiden ollar a primeira tartaraña cincenta Circus pygargus , un precioso macho. É con diferencia a cita mais temperá da especie que teño na Galiza. Ademais da tartaraña, un par de Miñatos queimados Milvus migrans amenizaron o paseo.

Onte domingo, atopei duas Zerynthia rumina en Monteferro (Nigrán), unha especie mediterránea bastante escasa en Galiza. É un novo espacio para a especie que no Val Miñor que en anos anteriores atopeina tamén no cabo Silleiro e no pobo de Gondomar o carón do rio. É unha especie moi temperá e que avisa que xa temos aquí a primavera xa que non só as anduriñas nos falan disto, non eh¡¡.

En caquera caso tratase dunha especie moi fermosa e delicada é unha das miñas preferidas.

Vou aproveiar que teño uns minutos para subir algunhas fotos de Tito Salvadores e José Gandara de varias gaivotas de Delaware e da Larus philadelphia do Miño, son todas destes días excepto a delaware do Lagares que é de medidados de febreiro

Adulto de gaivota de bonaparte Larus philadelphia na praia de Armona, Esteiro do Miño, A Guarda (Tito Salvadores)

Outra foto do mesmo exemplar (Tito Salvadores)

Expectacular foto da delaware de segundo inverno de Arealoura (Tito Salvadores)

Equilibrios yankis (José Gandara)

Unha foto do primeiro inverno de Arealoura para comparar ca seguinte que é a de Vigo (José Gandara)

Primeiro inverno de gaivota de Delaware na desembocadura do rio Lagares en Vigo o 17 de febreiro deste ano (Tito Salvadores)

Despois de moitos días sen aparecer hoxe deixouse ver de novo a gaivota de Delaware de 2º inverno que descubrira Tito Salvadores vai un par de meses, estiveron xuntas as duas (ca de 1º inverno asidua do lugar) case toda a tarde no regato de Arealoura. por desgraza o unico destacable ademais das delaware eran os centos e centos de persoas, cans e outros animais que invadiron a zona esta tarde, supoño que viñeron a disfrutar do traballo feito despois de reconquistar Vigo pola mañán....